شب معراج ملک بھر میں انتہائی عقیدت و احترام اور مذہبی جوش و جذبے سے منائی جارہی ہے

لاہور (مانیٹرنگ ڈیسک)ملک بھر میں شب معراج نہایت عقیدت و احترام اور مذہبی جوش و جذبے کے ساتھ منائی جا رہی ہے.تفصیلات کے مطابق ستائیس رجب کی مقدس رات کی مناسبت سے گھروں میں خصوصی عبادات اور مساجد میں چراغاں، ذکر و اذکار اور نعت خوانی کی محافل کا اہتمام کیا گیا ہے۔ جن میں علماءکرام معجزہ معراج شریف کے واقعات و فضائل پر تفصیل سے روشنی بھی ڈالی جائے گی۔ ملک کی سلامتی، بقا اور خوشحالی کیلئے خصوصی دعائیں مانگی جائیں گی۔ اس موقع پر مساجد کو انتہائی خوبصورتی سے سجایا گیا ہے۔سیکیورٹی اداروں کی جانب سے مساجد اور محفلوں کی سیکیورٹی انتظامات بھی کیے گئے ہیں ۔