لاہور(نامہ نگارخصوصی)سپریم کورٹ کے روبرو کالا باغ ڈیم کی تعمیرکے معاملے
پر ملک گیر سطح پر ریفرنڈم کرانے کے لئے متفرق درخواست دائر کر دی گئی ہے
۔سپریم کورٹ لاہور رجسٹری میں وطن پارٹی کے سربراہ بیرسٹر ظفراللہ کی جانب
سے دائر درخواست میں کہا گیا ہے کہ وفاقی حکومت، مشترکہ مفادات کونسل اور
سیاسی جماعتیں کالا باغ ڈیم تعمیر کرنے میں سنجیدہ نہیں ہیں، وفاقی حکومت
مشترکہ مفادات کونسل کی جانب سے کالا باغ ڈیم کی تعمیر کرانے کے فیصلے پر
عملدرآمد کرنے میں بری طرح ناکام ثابت ہوئی ہے، وفاقی حکومت، سیاسی جماعتوں
اور مشترکہ مفادات کونسل کی جانب سے کالا باغ ڈیم کی تعمیر کا معاملہ
التوا میں ڈالنے سے ملک اندھیروں میں ڈوب چکا ہے، جس سے معیشت کا پہیہ بھی
جام ہوا ہے، صنعتی مزدور بے روزگار اور پانی کے ضیاع سے زرعی اراضی بھی
بنجر ہو رہی ہے،لہذا کالا باغ ڈیم کی جلد تعمیر کے لئے ملک گیر سطح پر
ریفرنڈم کرانے کے احکامات صادر کئے جائیں۔
ایک تبصرہ شائع کریں
ایک تبصرہ شائع کریں