راولپنڈی(مانیٹرنگ ڈیسک) جنرل راحیل شریف نے اپنا وعدہ پورا کردیا۔اپنے ہی ادارے سے احتساب شروع کردیا۔آرمی چیف نے تاریخ رقم کرتے ہوئے لیفٹیننٹ جنرل ،میجرجنرل، 5 بریگیڈئیرز اور لیفٹیننٹ کرنل سمیت 13اعلیٰ فوجی عہدیداروں کو کرپشن میں ملوث ہونے پر برطرف کردیا۔میڈیا رپورٹ کے مطابق فارغ کیے جانے والے افسران میں لیفٹیننٹ جنرل عبیداللہ خٹک اورمیجر جنرل اعجاز شاہد،بریگیڈیئر حیدر، بریگیڈیئراسد، بریگیڈیئر سیف اللہ ، بریگیڈیئر عامر، بریگیڈیئر رشید، کرنل حیدر ، میجر نجیب سمیت دیگر شامل ہیں .برطرف کیئے جانے والے افسران فرنٹیئر کانسٹیبلری بلوچستان میں تعینات تھے ۔نجی ٹی وی 92نیوز کے مطابق کرپشن میں ملوث افسروں کوکرپشن کی رقم واپس کرنے کا حکم دیا گیا ہے جبکہ ان کی تمام مراعات بھی ختم کردی گئی ہیں۔ افسران کی برطرفی کا فیصلہ سات اپریل کو کورکمانڈرز کانفرنس میں فیصلہ ہوا جبکہ 8اپریل کو انہیں دفتر آنے سے روک دیا گیا۔جیو نیوز کے مطابق برخاست ہونے والوں کوصرف پنشن اور میڈیکل کی سہولت رہے گی دیگر تمام مراعات کا خاتمہ کردیا گیا ہے۔مذکورہ افسران کے رینکس اور عہدے واپس لے لیئے ہیں۔پلاٹ واپس لیئے جائیں گے۔
ایک تبصرہ شائع کریں
ایک تبصرہ شائع کریں